Carchi informatzione a pitzu de sos canes e de s’allevamentu nostru.

.

Dae meda annos sa famìlia nostra manizat una sienda agrìcola in ue su Cane de Fonne est semper istadu de importu meda comente collaboradore e protetore de sa roba.

In custos annos colados nos semus impinnados in su sèberu de sos canes de tribàgliu bardende sa zenia carateriale e sa morfologia antiga issoro, pro nde mantènnere sa balia e sa “balentia” orizinale. Onzi nàschida de catzutzos benit programmada chin cura, printzipiende dae su sèberu de sos canes pro sa monta, prammizende·nde sas calidades fìsicas, de uta e de tribàgliu, ma atentzionende prus de totu su perìodu in ue sos catzutzos ant a si fàghere mannos, preferende igerru e beranu, est a nàrrere sas istajones in ue sas arveghes anzant. Difatis in cuddos meses bi sunt meda nuscos tentadores pro sos catzutzos, e custu lis ischida s’istintu predadore.

Sos canes nostros sighint unu programma sanitàriu cuncordadu chin su veterinàriu nostru, e sa salude issoro est cuntrollada a frecuente, a manera de cunformare sa dieta e eventuales curas a s’edade e a su tribàgliu chi faghent. Sos catzutzos lassant s’allevamentu nostru a pustis de su de tres meses d’edade, chin sos pabilos ufitziales pro nde garantire sa zenia de ratza, chin su microchip e chin su protocollu de sos fatzinos de base. Creamus unu raportu de aficu chin su propietàriu nou, e s’allevamentu nostru restat unu puntu de referèntzia pro consizos e informaziones pro tota sa vida de su cane.